FREEDOM 4 ALL ETHIOPIANS

FREEDOM,DEMOCRACY.JUSTICE.AND UNITY FOR ALL ETHIOPIANS …by DANIEL TESFAYE

እንኳን ለልማታዊው የደመራ አከባበር አደረሳቹ!

demera
September 27,2014

ከባህር ማዶ ነኝና ዛሬ የመስቀል በዓል እንደመሆኑ የአገር ቤት የደመራን በዓል በቀጥታ ለመከታተል እያቅለሽለሸኝም ቢሆን የወያኔን የቀጥታ ስርጭት መከታተል ጀመርኩ። ብዙም ሳልቆይ ግን ከወትሮው በተለየ አለባበስ ሁኔታ ለበዓሉ ድምቀት ከሚሰጡት ወትሮ ከምናውቃቸው የስንበት ትምህርትቤት መዘምራን በተጨማሪ የሃኪም ፣የኢንጅነር፣ የገበሬ፣ የተማሪ፣ የአስተማሪ፣የወዛደር… ምን የቀረ አለ?… ልብስ የለበሱ በርካታ ሰዎች በመዘምራኑ ተከበው ወዲያ ወዲህ ሲሉ ተመለከትኩ። መልዕክቱ ወዲያው ገባኝ። እንደገባኝም አልቀረ ካድሬው ጋዜጠኛ የኢትዮጲያ ቤተክርስቲያን ልማቱን ትደግፋለች፣ የሚደረጉትን ልማቶችን ትባርካለች፣ የመነኮሳት ልብስ ተላብሰው የሚታዩትም ስለልማቱ ሲጸልዩና ሲባርኩ ነው እያለ ሲደሰኩር… ሐይማኖታዊው የመስቀል ስርዓት መሆኑ ቀርቶ በደንበኛው የወያኔ እጅ የተቦካና የተጋገረ ልማታዊ የደመራ በዓል ስለሆነ ከዛ በላይ ማየት አላስፈለገኝም። ውስጤ ባዶ ሲሆን ተሰማኝ።

አማራና ኦርቶዶክስ ተዋህዶን አከርካሪውን እንሰብራለን ሲሉን፣ አይ አማራም አደለሁ እምነትም በልብ ስለሆነ አይጠፋም ብዬ ዝም አልኩ። አማራም እየታደነ ከነህይወቱ ወደገደል ተጨመረ፣ተገደለ፣ከቀየው ተፈናቀለ፣ ዘሩም አንዲመክን ተደረገ። አድባራትም ተቃጠሉ፣መነኮሳትም ተዋረዱ፣ ቤተክርስቲያንም ተሰደደች። በመቀጠል ኦሮሞው ላይ ዞሩ። የኦሮሞ ግንባር ሲፋቅ ኦነግ ነው እያሉ ገደሉት፣ አገር ጥሎ እንዲጠፋ አደረጉት፣ እስር ቤቶችን በኦሮሞ ልጆች ሞሉት። ኦሮሞ አይደለሁምና ዝም አልኩ። ማነው ባለሳምንት ብለው ደግሞ ሙስሊሙ ላይ ዞሩ። የተሻለና ዘመናዊ የሆነ እምነት አመጣንልህ ተቀበል፤ ካልተቀበልክ ደግሞ እየተባለ በየመንገዱ ደበደቡት፣ እንደውሻ አሳደዱት፣ ሽብርተኛ ብለው አሰሩት። ሙስሊም አደለሁምና ምን አገባኝ አልኩ። ማን ቀረ ከቶ፧ የጋምቤላና የሱማሌው ጭፍጨፋ፣ የአፋሩ፣ የደቡቡ ሁሉም በየተራ ተወረደበት። ከፋፍለውና ነጣጥለው መቱን፣ እርስ በርስ አባሉን፣አዳከሙን።

አንድ የቀረችኝ የማንነቴ መለያ የሆንችው እምነቴና እምነቴን የማሳይበት ባሕላዊ እሴት ብትኖረኝ እሷንም ዛሬ ተነጠኩ። ሲጀመር የጋራ የሆነውን የማንነት ታሪክ አበላሹት፣ ታሪክ አልባ አደረጉን። በመቀጠል ህዝብን ከህዝብ በማነሳሳት አለመተማመንን አብቅለው አንድነታችንን በማኮላሸት ነጣጥለው መቱን። ከዛ አቅም እንደሌለን ሲያውቁ አገሩን ለባዕዳን ቸረቸሩት። በገዛ አገራችን የበይ ተመልካች ሆነን ቁጭ አልን።

ከንግዲህ ምን ቀረኝ ? አገሬን፣ እምነቴንና ታሪኬን አጣሁ ማለት ነው። እንግዲህ እኔ ማነኝ ? የሚጣልለትን እየበላ የሚኖር እንስሳ ወይስ ከወደኩበት አቧራዬን አራግፌ በመነሳት እንደኔው ከተረገጠው ጋር ዘር ሃይማኖት ሳልል እጅ ለእጅ ተይይዤ ማንነቴን መመለስ፤ በተባበረ ክንድ የወያኔን ስርዓት አሽቀንጥሮ በመጣል በጋራ፣ በእኩልነትና በመቻቻል መርህ ኢትዮጲያችንን ከፍ በማድረግ ተከብረን መኖር ? ለመሆኑ ለመኖርና ላለመኖር ምርጫ ያስፈልገዋል እንዴ ?
ዋ… ኢትዮጲያዬ!
መጽሐፈ ሄኖክ፣ መስከረም ፩፮፣ ፪ሺ፯

posted by Daniel tesfaye

Single Post Navigation

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: